“Бирдамлик” етакчиси Баҳодир Чориев билан суҳбатни ўқиб (5)
“Қарийб 8 йиллик муҳожиротда ”Бирдамлик” Халқ демократик ҳаракати катта бир сиёсий ташкилотга айланиб улгурди. Энг муҳими бизнинг нозўравон кўраш усулимиз ва Каримов режимини тугатиш бўйича кучли стратегиямиз, ҳамда Каримовдан кейинг жонажон Ўзбекистонимизни гуллаб яшнатиш учун кучли ғоямиз бор”.
1) Харакатингизни катта сиёсий ташкилотга айланганини нима билан асослаш мумкин?
“Жуда худбин, фақат ўзини ҳақ деб биладиган, ўта шафқатсиз ва қаттиққул инсон. Ҳозиргача Ўзбекистонни гуллатиб яшнатаман деб ўйлаб келди. Бунга атрофидагиларни ҳам ишонишга даъват қилди. Лекин, унинг даврида Ўзбекистон жуда катта нарсаларни қўлдан бой берди”. 2). Сиз Ўзбекистон президенти билан бевосита, шахсан мулоқот қилганмисиз, унга бахо беришда нималрга асосландингиз? Шу пайтгача президент жуда кўплаб китоблар чиқарди, сиз 1та бўлса хам илмий, халқаро ахамиятга эга бўлган китоб ёза олганмисиз? Сиз у амалга оширган ишларни 10дан бирини хам қила олишингизга аминмисиз? Унинг даврида Ўзбекистон айнан қандай катта нарсаларни қўлдан бой берди?
“Уларнинг энг катта хатолари мамлакатдан қочиб, партияларини оғир аҳволда қолдирганлари бўлса, иккинчиси, ўзаро келишолмай, барча фаол сафдошларини ўзларидан совутишгани бўлди деб хисоблайман”.
3) Сиз хам мана бир инсонсиз, умрингизда қандай катта хатоларга йўл қўйгансиз? Сизнинг хам сафдошларингиз ўз пайтида сиздан юз ўгиришган, мисол Амонова, шундай экан, бошқа мухолифат лидерларини бу каби айблар билан айблашга маънавий хаққингиз борми?
“Ҳа, албатта, бир кун келиб мен ўзимни ўзбек мухолифатининг ягона лидери, деб кўрсата оламан”.
4) Бу гапингизни қандай қилиб асослай оласиз? Жиддий сиёсатчи “бир кун келиб…”, “хали вақти келади…” каби тутриқсиз ва асоссиз гаплардан юқори турмайдими?
“Эндиги мақсадимиз бутун мухолифатнинг ишончини қозониш”.
5) Салай Мадаминов сиз билан лоақал сухбатлашишни хам ўзига эп кўрмади, Пўлат хам сизни хушламайди, нимани ҳисобига сиз бутун мухолифатни ишончини қозонаман деб ишонч билан айтяпсиз?
“Каримовни ҳукуматдан тинч йўллар билан кетказиш учун жонимни ҳам қурбон қиламан”.
6) Кўринишингиз ва амалингиздан сиз жонини қурбон қиладиган одам эмас, балки уни хузурини ўйлайдиган одамдек таасурот қолдирасиз; тинч йўл билан президентни қандай кетқазмоқчисиз, ахир бу учун сизда хеч қандай салохият йўқку; нима учун шу пайтгача жонингизни қурбон қилмадингиз?
“Лидерлик бу елкага олинадиган жуда катта вазифа, хавф, оғир меҳнат, қаҳрамонлик, хизмат, шарафли йўл ва маъсулиятдир. Ҳақиқий лидер ўзини ҳаётини кўпроқ хавфга қўйиб ишлаши табий”.
7) Юқорида тилга олган сифатларингиздан лоақал 1 донаси бўлса хам сизда борми? Нима учун сиз бошқаларнинг хаётини хавф остига қўйасизу, ўзингизникини 1 марта хам қўймагансиз?
Ўхшаш мақолалар йўқ.
4 шарҳУзр, лекин ўзбекнинг ғурури тобора йўқолиб боряпти деган фикрингизга қўшилмайман, Ўзбекнинг ғурури ҳеч қачон йўқолмайди, Ўзбек бу – буюк миллатдир! Сизда инсонлрга нисбатан ишончсизлик устун экан, мен сизга ишончсизликни ташланг деган бўлар эдим, инсонда ишонч йўқ экан у турган жойида қотиб қолажак ва охири умидсизлик ботқоғи уни ютиб юборади. Миллат қайғуси сизни ўртар экан, шуни ўзи иймондан, ватанпарварликдан, бекорга яшамаётганингиздан даракдир. Чориев хақида савол берибсиз, хукумат хаммани хам қатағон қилавермайди, Чориев эса Хукуматга хеч қандай хавф туғдирмайди ва туғдира олмайди, у катта сиёсий кучга эга инсон эмас, мана ахамият берган бўлсангиз унинг 1 тўда тарафдорлари (асосан аёллар) пикеттлар уюштириб туришади, лекин бу учун уларни режим қамамайди, майли пикет қилса қилаверсин дейди, фақат қонун доирасида қилсин дейди. Менинг фикримча Чориев хукуматга ишламайди у, балки АҚШ давлат департаменти у кишини назорат қилиб, молиялаштириб туради, Чориевнинг эса мен ўз сармоямдан фаолларимни молиялаштираман деган гапи эса тутуриқсиздир. Қолаверса кўп мухолифат аъзолари, ўз вақтида хукумат тазийқига учраганлар, эндиликда уларга Ватанга йўл очиқ, хеч ким уларга тахдид солмайди, лекин ўзлари Ватанга қайтишни энди хохламайдилар, чунки “иссиққина” ўрнашиб олдилар, ривожланган давлатларда, уларга нафақапнинг ўзи етади, Чориев хам шулар қаторидаги одам, хукуматнинг у билан иши йўқ ва у хеч ким эмас (миллат учун). Унинг гапираётган гаплари менга А.Қаҳҳорнинг “Синчалак” асаридаги шу номли қушни эслатади). Энди мени шахсим тўғрисида қизиқибсиз, тўғри мен оддий касбда меҳнат қиламан, лекин бола чақамни халол пул билан боқишни хохлайман, иқтисодчилигим билан эса фахрланаман. Сиз айтгандай “1 чеккада” эмасман, халқ, миллат дарди менинг дардим, унинг душмани менинг душманим. Ўзбекистонда бирор харакат тузишни кераги умуман йўқ. Мана қанча харакатлар бор, улардан нима наф кўрмоқда халқим?! Бундай харакатлар мингта бўлгани билан, улардан хеч бир наф йуқдир, шунча йиллик тажрибам орасида харакатлардан бирор натижа чиқишини кўрмаганман. Энди ўзбеклардан қўлни уриб қўлтиққа урганмисиз деган гапингиз жудаям ошиб тушди, гапингиздан ўзбеклардан ор қиладиган одамга, Ўзбекдан “қўлни ювиб қўлтиққа урган”га ўхшайсиз, ва сизни ватанпарвар деган юқоридаги гапимни орқага қайтариб оламан. бирон гап гапираётганингизда ўйлаб гапиринг, мен ҳеч қачон ўз миллатимдан юз ўгирмайман, ва ўлгунимча унга хизмат қиламан. Билиб олинг: Ўз милатидан қўлни уриб қўлтиққа урган одам, унинг буюклигига ишонмайдиган одам ана ўша энг ашаддий хоиндир. Энди диндорлар масаласида: мен сиз айтгандай диндорларни ёнини олмайман, балки муқаддас динимизни ёнини оламан. Биласизми, мен объектив мулоҳаза қиладиган одамман, оқни оқ қорани эса қора дейман. Намоз акани эса адолат хаққи, дин ва сиёсат сохасида чинакамига олим деб ҳисоблайман, чунки уни чиқишларини кузатиб бораман. Унинг чиқишларида кўп жойларида маъно бор, афсус сиз уларни кўра олмабсиз. Аммо унинг халифат қуриш хақидаги мулохазалари хозирги реал шароит ва даврда бу-утопиядир. Энди кимдир унинг фикрлари юзасидан чиқиша олмай “бир-бирини гўштини еяётган бўлса” бу уларнинг муаммосидир, Нормўминники эмас. Сиз менга уни қил буни қил деб амр қилолмайсиз, мен юрагимдан буйруқ оламан ва қалбимдан ҳис этган нарсаларимни ёзаман. Нормўминга сиз мени хеч қачон гиж-гижлай олмайсиз, аммо ниманидир у нотўғри мулохаза қилса (у хам инсон), ўз муқобил фикримни унга албатта ёзаман.
Президент ўзи хаммасини ёзмаган бўлса хам концепциясини ўзи яратган, буни мен аниқ биламан). Очиғи студентларга мажбуран стоилишидан хабарим йўқ ва бунга ишонмайман хам, чунки студентлар бу китоблар бўйича имтихон топширадилар ва ўзлари уни сотиб олишдан манфаатдорлар. Шиорнинг мохиятини халқ тушуна олмаганига хам ишонмайман, чунки хар бир давлат, миллат гарчи ўзи кичкинагинами ёки каттами миллий ғурурини, ватанини юқорига кўтаради у билан фахрланади, ёки сиз Ўзбекистон билан ғурурланмайсизми?). Бу кеитоблар билан қизиққан ўқувчи уларни ўқиса, албатта маъносига тушуниб етади, жудаям қисқа вақт ичида, лекин саъвиясига хам боғлиқ, сиз тушнмаган бўлсангиз, энди буёғига мен айбдормасман. Хохласангиз, хохламасангиз мусақиллик президент номи билан боғлиқ бўлади ёки сизнингча кимнинг номи билан боғлаш керак уни? Чориевга мен олдин хам саволлар берганман, бундан буёғига хам беравераман, бу менинг хуқуқим, ёки сиз прокурормисиз, менга савол бериш хуқуқини маън қила оласизми? Мана ўзингиз уни бизнесмен (сиёсатчи эмас) деб тан оляпсиз, лекин узр, лидер, президент ва хакозо ажнабий атамаларга хаққоний эга бўлиш учун бизнесменликни ўзи камлик қилади, назаримда, хар бир баранкани айлантирган одам хам бу номга сазовор бўлавермайди. Мен бу одамни дунёқарашини, саъвиясини билмоқчиман қани ким ўзи бу, мақсади нима, дархақиқат ўзи айтаётган (кўп жойи бир бирига қарама қарши-противоречивый). Хукуматни билмадиму (мен хукуматни одами эмасман, аммо уни айрим коррупционер, буйрукбоз, миллат манфаатини 1 тийинга олмайдиган амалдорларидан нафратланаман), аммо Чориев хеч кимга рақиб бўла олмайди, майли кутайлик, кўрамиз хали ундан “одам” чиқармикин, шунда ўзингиз амин бўларсиз. “Нон излаб…” деб жуда ошириб юбордингиз, сизга маълумки Ўзбекистон нон давлат нима нима аммо нон жудаям кўп бунда). Энди гастрбайтерлар масаласига келсак, қани қайси, мисол учун Марказий Осиё давлатларидан гастрбайтерлар йўқ?!) Биздан ишчи мигранталрнинг бошқа давлатларга кетиши – бу “нон излаш” ва ё “очликдан” эмас, балки менинг фикрим бўйича ўз хаётини янада фаровон қилиш учун ўз давлати таклиф этаётган пулдан кўпроқ пул топиш учундир. “Атиги 8 йил” дебсиз, менимча бу тақрибан бирон бир ташкилотнинг фаолиятига бахо бериладиган муддатдир, мисол “Бирлик”ни олинг, жудаям қисқа вақт ичида қанақа обрўга эга бўлди…Оми рабочий деб ўзингизни ерга урманг, биламан рабочий эмассиз,ўқиган одамсиз, ундан кейин рабочий одам эмасми?!) Мана сизга “краткометражный” тушунча…
Талантжон, ман ростдан хам рабочийман, балки бир кун учрашиб хам колармиз, узингиз бунга гувох хам буларсиз. Хозирги замонимизда ёлгон шу даражада купайдики, кимга ишонишни, кимнинг ортидан эргашишни хам билмайсан одам. Юрт учун, тобора йуколиб бораётган миллатим гурури учун нимадир килишни жон дилимдан хохлайман, лекин ким билан деган савол, атрофдагиларга ишончсизлик мени жуда эхтиёткор булишга мажбур килади. Зеро куйганларни купини курдик. Яна бир нарса сурайман сиздан, хукуматимиз хар кандай мухолиф фикрда булган инсонни катагон килгани холда Чориевнинг 3-4 йил олдин ватанга тинчгина бориб келгани хакида купчилик мухолифатчилар шубхали фикрларни айтишади, бу хакда сизнинг фикрингиз кандай? Шундай кенг тушунчали сиздек одамнинг бир чеккада хисобчи булиб юришингиз мени хайрон колдираябди, нима учун бирор харакатга асос солмайсиз? Ёки узбеклардан сиз хам кулингизни ювиб култикка урганмисиз? Куп холларда диндорларимизнинг тарафини оласиз, тугри биз хаммамиз алхамдулилло мусулмонмиз, лекин мусулмон билан чаламулланинг фаркини сиз мандан кура яхши билсангиз керак, диний олим даражасидаги одам жамиятимизга канчалик фойда келтирса, чаламуллалар шунчалик жамиятни йулдан оздирадилар. Нима учун айнан шу масалада холис турмайсиз? ( ман миссионерликни назарда тутмаябман) Масалан, Намоз аканинг (очиги) бирор маколасида ман маъноли бир гояни укимадим, лекин укувчилар мухокамасида карама карши фикрлар, бир-бирини сукишлар ва хакоратларга сабаб булади холос. Нима учун хамма катори муаллифга хам эътироз билдирмайсиз, сиз купрок дунёвий тузум тарафида эканингизни айтмайсиз? Сиз кескин фикр билдирувчи инсон экансиз, бу хам фазилат, лекин руслар айтгандек чаламулла инсонларга нисбатан ” он сукин сын, но свой” кабилида ёндашмай уларни хам саваланг гап келганда.
” Шу пайтгача президент жуда кўплаб китоблар чиқарди, сиз 1та бўлса хам илмий, халқаро ахамиятга эга бўлган китоб ёза олганмисиз?” САВОЛ БЕРИШ ОСОН, ЖАВОБ БЕРИШ КИЙИН. – Шу “халкаро ахамиятга эга” китобларни президентимиз узлари ёзганига ишонасизми? Уларни студентларга мажбуран сотилаётгани хакида эшитганмисиз? Вахоланки, пошшомизнинг 4 жумладан иборат “УЗБЕКИСТОН КЕЛАЖАГИ БУЮК ДАВЛАТ” деган “дунё ахамиятига эга” хитобининг маъносини 23 йилдан бери кайта- кайта укиб хали хануз тушуна олмаётган Узбекистон халки бу ноёб пурмаъно китобларнинг маъно- магзини тушуниб етишга умри етади деб уйлайсизми? Совет иттифоки парчаланган пайтда Кушок аканинг 6чи бармогидек ортикча булиб бир четда колган, “мустакилман” дейишдан бошка йули хам колмаган Узбекистон мустакиллигини Каримов номи билан боглаш канчалик тугри деб уйлайсиз? М,С. ва А,П. нинг кулларидан иш келмаслигини хозир хамма билиб булди, Чориев эса ёш, тиришкок, омадли бизнесмэн, уни берган биргина интервьюси сизни нега бунака сериал-саволлар ёзишга мажбур килди? Хукуматимиз Чориевда уз ракибини куриб колдими? Иттифок парчаланган даврда куп сохаларда кушниларга нисбатан анча илгари булган Узбекистоннинг сунгги 23 йил давомида ночор ахволда колганлигини, халкининг нон излаб дунёнинг турли бурчакларига сочилиб кетишини куриб курмасликка олингани холда, Чориевнинг атиги 8 йил нарида ташкил этилган харакатидан натижа талаб килишда кандай мантик ётибди? Мендек оми рабочийдан 4 огиз ширин сузингизни аямай, эринмай жавоб ёзиб лутф айлашингизга ишонаман ( Чориевдан фаркли уларарок менга “сериал” шартмас, битта шарх тушунишим учун етади деб уйлайман)